gotri legendri

Wis beberapa kali anak saya sing nomer 2 ngajak dolanan bekelan,
ya meski potongan body saya babarblas ndak pantes buat main bekelan, ning saya masih cukup trampil lho.
Cuman memang nek diukur dari kecepatan ya wis ra kaya mbiyen.
Terasa banget nek kecepatan saya berkurang, pas ngambil 4 biji bekel satu-satu dalam sekali lemparan bola,
anak saya sok nyoraki.
seneng nek bapake gedandapan pas ngrawuk biji bekel.

Tibake tanpa saya sadari dolanan bekel sama si vaisa ini memang nyenengke.
Nek dibanding abange,
anak saya sing nomor loro ini cenderung gampang seneng dolanan kampung.
Saya ajari dolanan engklek pake gacuk pecahan kreweng ,antusias banget.
Gerakan engkleke isih kesusu-susu berusaha ora midak garis.
Dia iso menikmati dolanan murah meriah sing biasa saya mainkan mbiyen.
Dolanan bocah-bocah jaman mbiyen memang khas.
Situasi keterbatasan wong-wong jaman mbiyen malah ngasilke permainan sing simple ning nggawa keceriaan.
Dolanan bocah-bocah mbiyen cenderung mempertebal sifat komunal bocah ,
ngraketke paseduluran sama tangga teparo
dan murah meriah.
Dan sing juga kadang saya lupakan dolanan mbiyen sok-sok ngemot piwulang urip,
meski mungkin sangat bergantung sama penafsiran pribadi.

Sing rada cetho dolanan engklek,
bagi saya engklek bisa menjadi simbol laku urip sing kudu dilakoni, sok sok kudu tertatih-tatih, sok-sok mlumpat ,
kadang cuman berjalan dengan pijakan sing timpang,
ndak jarang juga kita mesti mbalik arah
dan menggapai kreweng yang bisa jadi itu cita-cita sing jauh saka jangkauan.

Atau main jelungan di waktu malam,
kanggo saya itu nggambarke suasana gerak langkahe menungsa golek pepadang lan cekelane urip .
Mburu kanca kareben iso ngerteni piwulang sing nyinari dalan peteng,
supaya ora dhewekan neng alam babrayan, supaya mbesuke tekan sumanding neng ngarsani Gusti Pangeran.

Malah kadang dolanan kampung wis dilengkapi syair sing iso dadi nasehat buat nglampahi gesang ini.
Salah satu sing saya ingat nggih niki :
....Gotri legendri nagasari, ri
....Riwul owal awul jadah mentul,tul
....Tulen, olen-olen dadi manten,ten
....tiTenana mbesuk gede dadi apa,pa
....Pada mbako enek,mbako sedeng,deng
....Dengkok,engkak-engkok kaya kodok,dok

Titenana mbesuk gedhe dadi apa,
wong jaman mbiyen sudah wanti-wanti nek apa sing kita lakukan sekarang akan berbuah dikemudian hari,
ning sekaligus juga ngelingke bahwa menungsa itu bukan segala-galanya.
Ada tangan lain sing mempengaruhi jalan hidup kita,
macem-macem sebutane nek wong sing dadi umate kanjeng nabi nyebut takdir, nyebut kuwasa Illahi,
ana sing istilahke garis pepesthine Pengeran, ana sing ngarani karma, nasib dan sing rada sekuler mungkin nyebute faktor x,
malah kadang disebut faktor george bush.

Intinya ya ndak jauh beda yaitu ada hal-hal sing berada diluar kemampuan dan usaha kita,
misale kita wis berusaha tumindak apik,
bukan otomatis sesuk esuk terus nasib kita berubah drastis dadi apik gitu.

Perbuatan baik mesti ngasilke buah sing apik,
cuman kapan berbuahnya itu berada dalam wilayah faktor x mau.

Karena itulah menungsa urip itu ya ndak bisa memastikan apa sing akan terjadi sesuk.
Ndak punya kemampuan kita buat ngarani sesuk itu bakal ana kedadian apa.

Bisa jadi apa sing arep terjadi sesuk itu bertolak belakang dengan perkiraan atawa kondisi semula.

Akeh critane mbiyen kere bareng saiki dadi priyayi
Lonte dadi artis atau kosok walikke
Ora sithik juga sing maune pejabat duwe pangkat, malah akhire ngenggoni kamar penjara

Wong pertamin mbiyen mesti ya ora bakalan ngira nek petronas bakal luwih terkenal lan maju timbang pertamina, wong dulunya mereka blajare juga dari pertamina.

Atau sing neng sejarah jaman mbiyen wong tibet blajar agama budha saka guru-guru india salah sijine atisha srijana dipangkara.
Lha atisha wae 12 tahun meguru ngangsu kawruh ke sumatera dadi murite dharmakirti ( serlingpa ),
wolak-walike jaman malah saiki wong kita sing ajar agama budha ke tibet.

Sama seperti ndak pahamnya saya ,kok bisa-bisanya bu dokter sing wektu sekolah neng margoyudan mbiyen pendiam iso kepranan sama koboy sekelasnya , kersa nyawiji ,gelem ngurusi lan ngrumat.
Ndak ada sing mbiyen iso mbayangke ini bakal terjadi,ora ana mas
Ning wong itu wis dadi kersane Gusti mas,
rasa tresna itu lak sebagian saka rahasiane sing gawe urip tho.


Dolanan bocah-bocah bisa ngelingke kita betapa tidak berdayanya kita atas apa yg akan terjadi mbesok.
Ndak ada sing ora mungkin
Nek saat ini saya turu nglungker neng kasur sing empuk, ndak ada sing bisa kasih jaminan sesuk saya ora bakalan nggelar kloso.
( nek jumat bengi sama minggu bengi ya memang saya nggelar koran buat alas tidur neng sepur )

Kabeh bisa terjadi,
Dan sering kita dipaksa untuk menghadapinya, enak ora enak, kudu dilakoni
Ning saya percaya kok, apapun yg akan terjadi Gusti Pengeran ora bakal sare.

Muga-muga kita semua tansah eling lan sumarah marang Gusti



Titenana mbesuk gedhe dadi apa

Salam

yayon-kerepalur

radio loro

Nek tak urutke acara yg taksenengi dari radio adalah dagelan terus ketoprak , lagu-lagu dan sing ora entuk ketinggalan sandiwara basa jawa.
Kalau wayang saya rada arang ngrungokke apamaneh wayang kulit, ngantuk soale siarane biasane wengi.

Ngrungokke sandiwara basa jawa bisa bikin angan lan imajinasi saya melambung,
kadang saya melu mbrebes mili nek critane sedih apamaneh nek tokohe ketulo-tulo merga wong liya, weleh iso mewek tenan saya.
Begitu juga kalau pas critane ttg yang-yangan,ttg cah enom sing lagi gandrung atawa digandrungi cah wadon,
rasane seolah saya itu jadi dia je, kaya-kaya saya dadi pemuda idaman.
Atau saya berangan seandainya saya ini kaya dia, bagus duwe pacar ayu tur digemateni para pinisepuh.
Ndonya ki kayane swarga tenan.

Trus kadang sing mbikin saya mak syur itu nek pas ana adegan andum asmara,
mbuh itu asmara legal ataupun ilegal ( selingkuh ),
lha pripun to mas,
wong pemaine wae mung muni “ ahh, massss…. “ utawa “ ohhhh dik “ kok sing ngrungoke wis iso mbayangke adegan neng tempat tidur komplit,
malah sok-sok nafas saya yo melu ngos-ngosan kok trus clana saya dadi sesak lho..
Jan,pinter tenan pemain sandiwara itu, iso nggawe perasaane pendengar ndak karuan.

Sebalike kalau lakon sandiwarane ttg lelembut , nek ra kliru biasane jumat bengi teater angkasa lakone bangsa sing medeni gini.
Githok iki bisa mrinding tenan, arep neng kamar mandi wae dadi gigrig, ajreh tenan.
swara wuuuuuh,wuuuh iso persis suara angin tengah wengi, kaya suara sing nandani ana memedi lampor utawa sundel bolong.
malah sok-sok marai ora iso turu utawa ora wani turu dewe.Ketok-ketoken terus.

Kalau untuk ketoprak, yg tak senengi itu grup ketoprak kodam tujuh diponegara,
pemaine sing terkenal ana marsidah bsc ana widayat .
wektu itu kalau ngliat marsidah wow top tenan mas,
senajan stw ning bodyne padat sintal pokoke nyenengke tenan,
saya sing wektu itu dalam situasi oedipus complex sering mbayangke sing ora-ora sama dia lho.
Pokoke marsidah is the best lah,
Nek saiki sih bu marsidah wis sepuh.
Bu marsidah ki nek meranke dadi waryanti nggon lakon sudiro-sutrisno atawa dadi galuh candrakirana nggon lakon panji asmara bangun iso bener kenes tenan,centil manja sekaligus sensual gitu.
Ketoprak lain sing sering siaran neng radio sak elingku kelompok among mitra brebah,
sebagian pemaine pada karo kodam tujuh.

Nah nek soal dagelan neng radio mungkin tekan sekarang ndak ada sing bisa ngalahke dagelan mataram basiyo.
Tenan mas,
sampai sekarang belum ada grup lawak sejajar sama pak basiyo,
wong rekaman kaset wae akeh kok,
nah dibawah beliau ada grup yg juga terkenal : grupe junaedi mrongos.
Saya yakin buanget nek grup lawak sekarang disuruh ndagel neng radio, ora bakal lucu.
Buat kasanah jawa, dagelane pak basiyo itu bener-bener komplit,
nganggo crita ? iso lucu,
nglucu dewe ? ya tetep bisa bikin ketawa.
Pak basiyo nek tampil neng radio bisa sak grup,
biasane mbawa crita/lakon tertentu , wong nyebute dagelan mataram.
Sering juga dia main pangkur palaran jenggleng tampil sendiri atau cuman berdua ,
ndagel ngomentari ngalor ngidul saut-sautan sama pemain gamelan lain ( kayak sampakan ) diselingi nembang-nembang.

Crita dagelan mataram pak basiyo adalah crita sing sederhana,
khas wong cilik neng ya selalu penuh dengan piwulang sing terbungkus tawa tanpa bermaksud menggurui.
Potret uripe wong kebanyakanlah.

Mangga saya ajak sampeyan menikmati dagelan pak basiyo waktu main lakon Basiyo mbecak.

Wektu itu pak harjo sama istrinya mau brangkat resepsi, naik becak

Pak harjo : wah kebeneran bune , kae malah wis ana becak ngono,
Bu harjo : iyo yo pak, gage ndang undangen becake pak
Pak harjo : Ccak, becak ! mang mriki
Basiyo tukang becak : moh
Pak harjo : we lha piye to kae, diundang kok ra gelem
Basiyo : lha sampeyan ya aneh kok,
ngundang cak, cak napa njuk becake mara
Pak harjo : lha kudu ngundang pripun
Basiyo : ya ngundang den apa mas, ngoten, tukang becak la yo gadah jeneng

Orisinil tenan menurut saya,
ngakak saya sekaligus mulai melu ngrasake atine wong cilik sing wis suwe ora dianggep.

Adegan terus berlanjut sampai siap mau brangkat

Pak harjo : pun, nek sampeyan gelem nggih mangga
Basiyo : nggih kulo manut
Pak harjo : Yo wis bune ayo ndang mangkat selak kawanan mengko.
Ngga, mangkat ,ngga
Basiyo : lho-lho, arep mangkat neng ngendi ?
Pak harjo : sampeyan niku pripun tho nggih ngeterke kulo teng resepsi .
Basiyo : Lha kula tak adus disik, wong sampeyan empun dandan ngoten,
kulo nggih isin nek mboten melu dandan,
Sampeyan mang ngenteni mriki kulo tak mulih adus karo ganti klambi
Bu harjo : lha piye to iki, tukange becak ndadak nyandang barang ?

saya ngrasakke ada nilai-nilai sing coba dianggkat dan disindir sama pak basiyo,
tentang harkat lan martabat persrawungan sing mungkin bakal terlindas perhitungan ekonomi.
Bagi saya bisa jadi ini semacam nilai-nilai tandingan terhadap perangkat nilai sing begitu dominan.
Pak basiyo meletakkan hubungan antar manusia pada tataran kesetaraan,
pada ikatan paseduluran bukan sekedar pada transaksi ekonomi.

bisa jadi ini menjadi koreksi kecil atas perilaku kita sing mung mengandalkan posisi sebagai orang sing sanggup membayar,
dumeh nduwe duit, dumeh nduwe kuasa.

Gampangane saya lan sampeyan sebagai konsumen juga perlu menghargai lan menjunjung martabate wong-wong sing wis melayani kita .
Perlu nimbang nimbang kepentingane wong liya juga,
ndak semua diukur saka kepentingane dewe

Kepriye wae wong liya itu juga punya martabat sing ndak beda jauh sama kita .
ndak ada wong sing martabate di bawah kita, ora ana mas.
nek sampe ana, itu cuman sawangane kita saja,
mung merga perasaan tinggi hati kita

Berusaha memahami lan ngajeni sama wong liya , rasanya wis suwe saya melupakannya

Salam

yayon-kerepalur

radio siji

Butir-butir pasir dilaut
bagian ke tigaribu limaratus ………
disiarkan atas kerjasama
antara bkkbn dan radio republik indonesia
…………………………
…………………………
……………………….
sutradara jhon simamora


rasanya mungkin sebagian dari sampeyan pernah kelingan krungu siaran radio kayak gitu.
Saat itu siaran radio bisa jadi media hiburan sing mungkin luwih berpengaruh timbang tv.
Acarane sederhana, ndak ngundang debat silang pendapat sing marahi mbingungke pendengar.
Intinya bagi sebagian wong ngisor kayak saya, siaran radio iso nyirami kesele ati lan abote beban urip.
Tanpa nambah beban pikiran lagi.
Disamping sederhana, isi siaran radio juga bisa ngambakke segarane imajinasi dan melambungkan angan pikiran,
dan sing ndak kalah penting siaran radio saat itu sangat akomodatif terhadap kebutuhan hiburan lokal.
Memang ana materi nasional sing disiarke neng pirang-pirang kutha,
neng ya tetep ana materi lokal sing disenengi pendengare.
Misale siaran kesenian daerah atau sandiwara sing nganggo basa jawa.
Kayak sandiwara teater angkasa rri sing biasane mentaske naskahe ibu lusia siti aminah subanto.

Coba sampeyan eling-eling beberapa sandiwara radio sing ditunggu2 penggemare iki :
kisah tentang kepahlawanan
kemanusiaan dan cinta
yg sudah terkenal
lewat karya sh mintarja

iki sandiwara nagasasra sabukinten, critane ttg mahesa jenar, sing main sanggar prativi

sanggar prativi pancen nggawe akeh judul sandiwara berseri ana bende mataram,
epos untung surapati, dan sing dadi top-tope sandiwara radio sepanjang jaman yaitu saur sepuh
Ketoke ya ndak ada wong sing ngalami tahun wolung puluh limanan sing ndak kepincut sama saur sepuh, mulai cah cilik tekan wong tuwa,
saka wong mbecak nganti polisi sing terhanyut sama brama kumbara,
kabeh kagum sama ampuhe ajian serat jiwa tingkat 10
dan jangan lupa, dalam diam angan kami mbayangke sensuale laksmini.

Kepahlawanan lan kasektene brama kumbara bisa mbius wong supaya ndak adoh-adoh saka radio.
Meh saben jam ana radio sing nyiarke saur sepuh,
sing rada lucu sok sok esuk wis ngrungoke seri 26 ning sore isih nyetel radio lain sing nyiarke seri 26 dan tetep dengan degdegan dan antusias, seolah durung tau ngrungoke.
Wong wis tahu kok ibu saya ditolak sama tukang becak,
becake ndak mau narik pas jam siarane saur sepuh.
Pokoke saat itu neng kampung saya mung ana loro sing mesti ditunggu wong-wong,
yaitu sandiwara saur sepuh sama bukak-ane cap jie kia.

Pemain sanggar prativi dadi selebriti sing muncar, kayane nganti saiki durung ana artis sing terkenal lewat jalur radio, sing ngungkuli prestasine feri fadly, ely ermawati,ivone rose.
Durung ana artis sing melambung merga peran lan suarane, tanpa ketoke wajahe.

Akeh cah wedok lan ibu-ibu sing kesengsem sama fery fadli sing dadi brama kumbara
Mbayangke gagahe awake, gede duwur brengos tipis dadane bidang.
Cah cilik-cilik da niru brama kumbara, atau raden samba sing iso nembus bumi,
atau teriakan si mantili.

Tentu saja saya lebih seneng mbayangke body laksmini, wis mesti padet sintal lan cemekel ( mengundang dan enak buat dicekel ).woow

Kabeh punya angan-angan ttg saur sepuh, seolah saur sepuh dadi legenda sing terasa akrab sama bebrayan kita.

Tiba saat radio swara graha nyiarke nek pemain saur sepuh arep jumpa penggemar neng lapangan tipes.
Wiwit esuk lapangan wis kebak ngenteni tekane brama kumbara sama kawan-kawane.
Ibu-ibu ngendong anake, abg wedok sing isih isin-isin nganggo make up ,
remaja tanggung sing sok ngrokok ben ketok jantan
tumplek blek neng lapangan tipes.

Walah mas jebule si feri fadli ki cilik rada blengkring,
adoh saka bayangane brama kumbara malah mirip si merit
Si eli ya ngono, cilik ireng tipis memang potongane rada galak meh kaya mantili.
Bayanganku ttg si laksmini juga ilang blas ora ana mempere sama sekali,
si ivone rose ndak kaya laksmini, bodyne ndak sesemlohai laksmini.

Wis kapusan tenan saya, kapusan karena saya terlalu berharap.
Kapusan merga saya sangat kesengsem.

Salam

yayon-kerepalur