TOBAT

Wis pirang wektu saiki, saya ini kok gampang men masuk angin, melek bengi sithik njuk awake dadi ngreges, turu ngliga sedela wae ,sesuke kudu terus kerokan.Ngombe es segelas biasane trus dadi watuk, nyruput bir bintang sekaleng thok weteng malah dadi kembung. Jan awak ki nek wis ngungkuri tua ora iso dipaido, dadi ringkih, gampang lara laranen. 50 tahun awak iki wis neng alam ndonya, wis akeh sing dilakoni, mbuh nglakoni tumindak apik, apa meneh tumindak ala, wis pollll tenan.

Nek miturut wong2 winasis kae umur sakmene ki wis kudu semeleh , kudu nata piker, luwih nyerak marang gusti sing gawe urip. Kadang nek ngeling-eling dalan urip sing diliwate krasa banget nek sejatine saya ini nggak punya bakat buat dadi ahli surga. Lha pripun nggih wong dosa saya ini kan wis nglumpuk tumpuk undung sak gunung anakan, baik dosa konseptual, dosa kultural  apameneh dosa seksual. Buat nyuda dosane kok ya angel mbanget. Nglakoni sarengate kanjeng nabi ya ora iso,shalat ora tau, sasi poso ya tetep nggayemi, ngaji ora teyeng. Ati isine mung judeg, emosi, ora iso sabar, ora tau iso nrima ing pandum.

Kamangka wis bola bali para pinisepuh paring pituduh supaya iso ngresiki ati, saya ini mung iso ngapalke, ora iso nglakoni. Malah rencang saya sing banget alim, kereb menehi pangerten babagan ngilmu ngresiki ati, jare le muni ngene mas :

“Drajat resike ati ki ana 7 mas, nek  istilahe arab 7 maqam, yaikui  : tobat, trus wara’, munggah meneh zuhud, bar kui faqir, njuk sabar, tawakal lan paling duwur kui ridla

Paling ngisor dewe tobat, ngrumangsani salah, ora mung rumangsa salah saka perbuatan dosa, ning luwih jero meneh rumangsa salah merga wis ghaflah,terlena , lali saka gusti pangeran, kui sing dadi sebab tumindak dosa

Nek wara’ kui jare tegese ngedohi saka babagan sing sifate syubhat, mung nglakoni sing wis genah ke-halal-ane ,thalabul halal

Bar kui terus nglakoni zuhud, nyuda kesenengan ndonya, senajan kesenengan kui halal, nglatih ati,pikran lan awak
supaya ora tamak marang kadonyan

Munggah meneh njuk maqam faqir, atine wis rumangsa ora  nduwe pepinginan ndoya, rumangsa ora nduwe apa apa neng ndoya, bakalan akeh pacoban urip sing dilakoni,  sing iso ngangkat drajate atma  mlebu marang maqam sabar, tegese ihklas nampa pacoban lan sengsarane urip.

Tambah suwe olehe nglatih rasa sabar neng ati, tambah gede rasa pasrah marang kersane gusti pangeran,pasrah lan manut kaya mayit sing diadusi nganti  digotong, wis ora duwe ikatan marang kadonyan meneh,nek wis kaya ngono kui tegese wis ana neng maqam tawakal

Lha puncak segala kebersihan hati kui nek awake dewe iso ridla, kui maqam paling duwur mas, nek wis ngene iki ora mung ihklas lan pasrah marang pacoban lan sengsarane  urip , ning malah rumangsa seneng lan bersykur nglakoni sengsarane urip

 

Dituturi ngono kui saya ya nggatek’e lan nyimak kanti serius, malah sok sok takselingi manthuk mantuk barang, senajan neng njero ati  sakjane saya ya ora mudeng, tetep ora paham,  tapi ya wis embuh lah.